விபச்சாரியுடன் ஒருநாள் - சூடான பதிவு (A)

எனக்கு உண்மையில் அந்த நாட்கள் மறந்துதான் போயிருந்தது. சொல்லப்போனால் இந்த இரண்டு வருடங்களில் அந்த ஞாபகம் வந்ததே இல்லை. நிம்மதியாய்த்தான் இருந்தேன். ஆனால் இன்று மீண்டும் அழைப்பு ஒரு நண்பனிடமிருந்து. இரவு ஒரு பார்டி இருக்குது வாடா என்றான் தொலைபேசி வாயிலாக. பார்டி என்றால் பலதும் பத்தும் இருக்கும் இருந்தாலும் நல்ல சாப்பாடு இருக்குமே என்பதால் அவனுடன் சென்றேன். அங்குதான் மீண்டும் அவளை சந்திக்க நேர்ந்தது. என்னால் சரியாக அடையாளம் காணமுடியவில்லை அவள்தானோ என்று. பெயர்கூட மறந்திருந்தது. ஒருவேளை இது அவள் சகோதரியாய் கூட இருந்திருக்கலாம். இருந்தும் அந்த கட்டுடல் , அதே கலர் சொன்னது இது அவளேதான்...

அவள் இங்கே வந்தது யாருடைய ஏற்பாடோ தெரியவில்லை.கொஞ்சம் பெரிய இடத்து பார்டி என்பதால் அவர்கள்தான் ஒழுங்கு செய்திருக்கவேண்டும் போலும். அவளைப்பார்த்ததும் என்னை மீண்டும் அந்தநாள் நினைவுகள் இழுத்துக்கொள்ளப்பார்கிறது.அன்றைக்குப்பிறகு அந்தப்பக்கம் தலைவைத்துப்படுக்காத என் விரதம் முடிந்துவிடுமோ என்று அச்சப்பட்டேன்.  அவள் யாரையும் பார்ப்பதாய் தெரியவில்லை. ஆனாலும் என்னையே அவள் பார்ப்பதாய் ஒரு உணர்வு உருட்டிக்கொண்டது. என்னைப்பார்த்து ஏளனமாய் ''நீதான் நான் வேணாம்னு இவ்வளவுநாள் என்பக்கம் வரலையே.. இன்றைக்கு என்ன பண்ணப்போகிறாய்?'' என்று சிரிப்பது போலிருந்தது.

அன்றும்கூட இப்படித்தான். அது 2009ன் முற்பகுதியாக இருக்கவேண்டும். நான் பல்கலைக்கழகம் வந்த ஆரம்ப நாட்கள். ஒரு முக்கியமான பார்டி. அன்றுதான் அவளை முதன்முதலில் சந்தித்தேன். கண்ணாடிபோல் வழவழப்பான தேகம். அவள் அப்படியொன்றும் வெள்ளை அல்ல.. ஆனால் கறுப்பும் அல்ல. இரண்டுக்கும் இடைப்பட்ட ஒரு ஜாதி கலர். மாநிறம் என்றுகூட சொல்லலாம். இல்லை அவள் கொஞ்சம் சிகப்பான மாநிறம். பார்த்துப்பார்த்து அச்சிலே வார்த்து செய்தது போன்ற அப்படி ஒரு கட்டுடல். சங்கின் வளைவா இல்லை பளிங்கின் வளைவா என எண்ணும் அவள் கழுத்து. கழுத்துக்குகீழே ஒரு சிறிய சிகப்பு நிற ஆடை உடலோடு ஒட்டியவாறு. இன்னும் இன்னும் சொல்ல வார்த்தைகள் முட்டுகிறது. அத்தனை அழகும் என்னை அவள் பக்கம் இழுத்தது. கைகள் நீளப்பார்த்தது அடக்கிக்கொண்டேன். முன் அனுபவம் வேறு இல்லை எனக்கு. எப்படி நடந்துகொள்வது? எப்படி ஆரம்பிப்பது என்றுகூட தெரியாது.

இருந்தாலும் என்னோடு கூட இருந்த மூன்று நண்பர்கள் எனக்கு கொஞ்சம் தைரியமூட்டினார்கள்.  அவர்களுக்கு இதில் முன்னனுபவம் இருந்ததால் அவர்கள் முகத்தில் அந்த பதட்டம் இருக்கவில்லை. அவள் மீது அவர்கள் கை போனது. அதில் ஒரு நண்பன்; அவன் பெயர் 'உலகநாயகன்' என்றுகூட வச்சுக்கலாம், அவன் முளிச்சுக்கொண்டிருந்த என்னைப்பார்த்து ''டேய் சும்மா பார்த்துக்கொண்டிருக்காமல் வாடா'' என்றான். ''இல்லடா நீங்க நடத்துங்க நான் பார்த்துக்கொண்டிருக்கிறேன்'' என்றேன். ''பாத்திட்டிருக்கிறதுக்கா இங்க வந்தனீ? இதெல்லாம் பழகாம என்ன செய்யப்போறாய். வாடா இங்க '' என்று கொஞ்சம் குரலை தூக்கி என்னை அவன் பக்கம் இழுத்தான். ''உனக்கு எப்படி தொடங்குறதெண்டுகூட தெரியாதுடா சுத்த வேஸ்டுடா நீ'' என திட்டிக்கொண்டே என் கையை பிடித்து அவள் பக்கம் கொண்டுசென்றான். பதற்றத்துடன் அவள் வழுவழுப்பான மேனியை இறுக்கமாக பிடித்துக்கொண்டேன். பதற்றத்தால் என் கை அவள் மேனியில் நழுவப்பார்த்தது..  

பின் நண்பனின் சொல்படியே கீழே தட்டலும் மேலே திருகலுமாய் ஆரம்பமானது அவளுடன் உறவு. மெதுவாக என் வாயை அவள் வாயில் வைத்து அவளை ருசிக்க ஆரம்பித்தேன். கடைசியில் முற்றாக பருகிவிட்டேன் அவளை. அவள் என்னுள் அடங்கிவிட்டாள். அவளுடன் இருந்த பொழுதுகளில் நான் என் சுற்றியுள்ளவர்களை கூட மறந்துவிட்டேன். அவர்கள் எம்மை கவனித்தார்களோ தெரியாது. யாரும் ஒழிந்திருந்து கமெராவில் இதை பதிவு செய்துகொண்டார்களோ தெரியாது. எதையும் கவனிக்கும் மனதில் இல்லை அப்போது.  இன்பம் என்று சொல்லவா, குதூகலம் என்று சொல்லவா..அது ஒரு போதை என்றே சொல்லலாம். அவளை முழுவதுமாய் ருசித்துவிட்டேன். சில இடங்களில் கசப்பு. சிலநேரம் ஒருவித இனிப்பு. அதை சொல்லவும் முடியாது. இதற்குமேல் அந்த நாளை நினைக்கவும் முடியவில்லை. இப்போது நினைத்தாலும் எனக்கு கம்பிபோல் எழும்புகிறது குளிர்ந்ததால் கை உரோமங்கள். 

அன்று முழுவதும் என்னுடன் இருந்தாள். இருந்தும் அவளை மறந்திருந்தேன் இந்த இரண்டு வருடங்கள். காரணம் என்னை என் தலையில் குட்டிய தாயின் நினைவு. அவை என்னை மீண்டும் அவள் பக்கம் செல்லாமல் தடுத்தது. ஆனால் இன்று மீண்டும் என்முன்னே வந்து நிற்கிறாளே..!

இன்றைய பார்டியை ஒழுங்கு செய்த அந்த முக்கியமான நபர் அவளுடன் வந்து நிற்கிறார் என்னருகே, அவளை எனக்கு தருவிக்க. கொஞ்சம் மறுத்துப்பார்தேன், அந்த நண்பர் விடுவதாய் இல்லை. மீண்டும் அவளை ருசிக்க மனமும் இல்லை. ஆதலால் அந்த நண்பரை திருப்திப்படுத்த சின்னதாய் ஒரு முத்தம் அவளுக்கு கொடுத்து விட்டு என்ன்னருகே இருத்திக்கொண்டேன் அவளை.  அன்று அவளை முற்றாக ருசித்த போது அவள் பெயரை கேட்க மறந்துவிட்டேன். இன்று வேண்டாம் என ஒதுக்கிய நிலையில்தான் தெரிந்துகொள்ள ஆசைப்பட்டு அவளை பார்த்தேன்.  அவள் உடலில் ஒட்டப்பட்டிருந்த செந்நிற லேபில் சொன்னது அவள் பெயர்  'வோட்கா' (Vodka) வாம். இவளோடு உங்களுக்கும் தொடர்புள்ளதா? இருந்தால் நிறுத்திவிடுங்க, ஏனென்றால் இவள் ஒரு விபச்சாரி. பலரோட சுகங்களுக்காக தன்னோட உடலை விக்கிறதுமில்லாம அவங்களுக்கு நோயை கொடுக்கிறது விபச்சாரி என்றால் இவளும் விபச்சாரிதான். 

இதோ நீங்க இவளிட்ட இருந்து அலேர்ட்டா இருக்குரதுக்காக இவளோட போட்டோ >>>>

-தொடரும்..

ஆளையும் பார்த்திட்டீங்க, ப்ரீயா ஷோவும் பாத்துட்டியல், அதனால காட்டின படம் கிளுகிளுப்பான அறிவை கொடுத்திருந்தா ஓட்டையும், கருத்தையும் போட்டுடு போங்கோ சாமியோவ்.

Post Comment

Tweet